INI WONKHANGARUM

 Lyrics:JONNY KASHUNG

Tunning :Oshim Wo & Nimshimphi

Jonny Kashungshi preigahar wui leikashi kākashung mashitlāk kahai shimpān chi laa hiwui mangā eina mikatei nala theikhui-tamkhui kapai leisārano kala khanuithot bingla kākashunga leishāt samphangda khamakanga shimkhur semkāshap khavai hāngkachiphun sāda lāhi kapi kashokna.

 

1. Male: Iwui mirin ringkaphā, khamathā khamahova, ini rāsamkaphang, ini wonkhangarum

Female: Iwui mirin ringkaphā, khamathā khamahova ini rāsamkaphang, ini wonkhangarum.

Duet: Makahao luima khangatei wonyāmkuili khawon, nali mikahai leikashi hi shap haira.

 

Male: Ina ngayokhui khangaiva Soyaphi nali leikashi khamor na mahāngkharar.

Female: Ina ngayokhui khangai āmei Jonny nali leikashi khamor na mahāngkharar.

Duet: Mirin peida nawui vāng nganingra, Varena nali somiching ranu.

 

Female: Iniwui khamathā leishāt shimphung kahaoshonkho manarim leishimi chinglo, (Duet): leikashiya.

Male: Iniwui khamathā leishāt shimphung kahaoshonkho manarim leishimi chinglo, (Duet): leikashiva.

Duet: Mirin wui kakhalat theikhui ngasak leikashina, ningyāng khaung nawui shebā nawui chānhān.

 

Female: Ina ngayokhui khangai āmei Jonny, nali leikashi khamor na mahāngkharar.

Male: Ina ngayokhui khangaiva Soyāphi, nali leikashi khamor na mahāngkharar.

Duet: Mirin peida nawui vāng nganingra, Varena nali somiching ranu.

 

 

Read More

KHAMAHAI LEISHĀT

 

COMPOSED BY: EPCHAN PHARUNG

VOCAL: OSHIM & NIMSHIMPHY

Lā hi kakapiwui kathukka ningrin:

Ojā Epchan Pharung na yāron ākha sāda leishi-leishāt shimpān wui lungli ningmakatun leihaoda khanuithot bingli āna phungda khalei khrush thāda maphungasak ngailāk thuda yāron-ngalā sāda leilakha ātamli mashun leishāt lungli leikashi khavaknao phākhuida shimkapān hina khamakanga shimphung semkāya kachiwui khararchān pheikachitheina.

 -----------------------------------------------

    1. Nali samphangrada maphaning.

        Mirin shongzā hili nali rāsamkaphang.

        Iwui mikli nana phāmeithui.

        Mirin khavaknao sāda.

        Nali pāngasin khuida rarkā ngaikho.

 

        Mangacheilui asa mirin peichaoda.

        Makahao luisa khipālikha.

        Ini leishāt khara masa khuida.

        Khamakanga shimphungli.

        Khamathā nao ngarāchi,

        Ini semkhuisa.

 

   2. Nali samkaphang hi siwukli.

        Kazingna rotāda rachang chirkakhuithai.

        Na ngalemli pamda I khaksui.

        Chipem khuida ninglumtur.

        Nayārtuili leiyāsor ngayai khuika.

 

        Mangacheilui asa mirin peichaoda.

        Makahao luisa khipālikha.

        Ini leishāt khara masa khuida.

        Khamakanga shimphungli.

        Khamathā nao ngarāchi,

        Ini semkhuisa.

 

        Naothotla vāshungda,

        Ini leishāt chān sārano.

        Naothotla vāshungda,

        Ini leishāt chān sārano.

 -----------------------------------------------

Read More

VARE-YAR

Composed by: OSHIM WO

Music: WILLIAM LEIVON

Recording: SOUND FIELDS STUDIO

Khiwuivāng laa hi kapi kashok khala chikha:

"Thot hiwui Yāron-Ngalā kachungkha Varena mirin rasa wuivāng kathāda yar sāmihaili khala kaji matheila rasa sāphāphā kahai leikap haira. Kaikhava Varena yarmi kahainada shakzā khuilaga mathāda mara kasa, shimpān makapong la leipapam haira. Laa hina kahāngva, Varena ithumli yar sāmi kahaichi mashungrik eina ichichā wui mirin khavak phākhuida Āwui kahāng khanganā Shanao Mayarnao chi sokhami samphangda chingri kahai khamakanga mirin shimpān ngasālākra kachina."

1. Varena mikahai khamathā leikashi. Kharei-kateo kachi makhailuima. Phankazat masi china, kathuka wuklungli leikashi wui chānpao khuirāmidalei.

Leishi-leishāt lungli mayāngarokda, shimkhamataiya mayar-ngalā ātamli. Vare khuisangda rasa sākahai, Khanao eina tangda leishiching ranu.

2. Āvawui makāli pharāsang kahaiva. Hunkha khami thāda rāngasām khui. Thangthang ning rarsang mamān, ātamna thānphungda shimpān-rampān tuila ngatei ngarok hao.

Leishi-leishāt lungli mayāngarokda, shimkhamataiya mayar-ngalā ātamli. Vare khuisangda rasa sākahai, Khanao eina tangda leishiching ranu.

Somirorlu shakazā hili. Chingri kahai mirin nayar sārano. Chingri kahai mirin nayar sāranu.

Read More

I NALI LEISHIYA

 COMPOSED BY:MAYONSING MUINAO

Vocal: OSHIM

Khiwuivang laa hi kakapi khala chiakha,

 "Ithum wui leikashiya REV. MAYONSING MOINAO na āpreivali kayākha leishihao! Ngathor kachida Āpreiva na "Āmei I nali leishiya" da thuihāng miching kachiwui ningyāng khaung khili chānsamda sido, ngashun pongda ot kasā ninglumtur! Āpreiva wui malung khanim thangkhanida ākhon makachui naongarāna matamkhuisa masā kapai!" Ojā eina ojāni wui leishi khangarok ngalang kazārra yaokahomma ākha ngasā haoda leishi khamataiva āwui preivali masot kachikat wui laa na. Nganā khuida tamkhuiser lāksa ithumla.

1. Ina nali leishiya, tongzākhavai leihaoda leikashi maning mana! Lumashan haoda leikashi maningmana! Maleishi khavaila maram maleima. I nali leishiya. I nali leishiya, samphang khare ngathor wuklung wui tui pailāk eina mashimit haima langpongda ningli ot sai. Ningringphā ngasakka na khamor wui tui pangshap leikachang kho.

 

 Zingkum hirankha ākhon makachui, kakhāngwui ātheina khāngkhami ini shimpān makang ngasak, kahar khangarok matheila rarkārano naongarā. I nali leishiya.

 

2. Nana shaksā khami, makapei ngavai khisā I malung vātra nali. Hondalei kachi phaningda shim ungkhangai. Nawui shebā peida ningkashi mami kathei icham-iram.

 

Zingkum hirankha ākhon makachui, kakhāngwui ātheina, khāngkhami ini shimpān makang ngasak, kahar khangarok matheila rarkārano naongarā. I nali leishiya.

Zamingaroksa-khāngmi ngaroksa, shitsang ngaroksa, I nali shitsang. Makang ngasaksa. Iniwui leikashi.

Read More

KHIPĀNA BICHĀR SĀMIRA

Composed By : Oshim Wo

1. Semkāmi napāng eina, leishāt rachang chirkhuiya, ngasāmkhui nakhayali leiyasor hunkhavāng. Leishāt ura longshonra, phaningdo ringphāshon.

Āngachāng kaphon khararchān. Yongthuihao kazingna thangda. Ramkazatta khami thāda. Thangāya khamāng ngasām khuida. Lingsangmi kahai chāra wui mirin hi. Khipāna bichār sāmira.

2. Lokhuishap male āwor, chingrikahaiya wuklung, masho ngacheihao mirin, leishāt kaho china. Khāshi kahaina ningrin vāshungchao-thukchao kho.

Chānhān ngayammei, tuiphor leishimei mashun ngahon. Otsak pheikar maishat chāra longasak khipā mitmira Khipāna bichār sāmira.

Read More

MANGSHONGWUI PHILAVA

 

Composed By : Oshim Wo

1. Yangaishon yangpamda kazing khaying mathei, āzak khamathā ningaila khamathā, khipāli khayangdo chila matheithu. Kha iwui wuklungli kapisang haira.

Iwui leikashiva-vaikhangaiva chida, ngayā imangshongli nali samphangkho. Chān kachangla hāngda manarim ngavam khui. Mangshong chi kachangshong mangasā kapai.

2. Thangkha nali kathei ram kaphung chili. Imāng yaovāda nali ngathing kharā, khipākha maleisā khipākha matheithu. Hunkhali shimānhao iwui ringkaphā.

 

3. Mangshong wui philāva nali samphangluira, phākazat zingkum kachungkha thuihaira, na kali zatlido kali ngathum haodo. Ākhashi mang nali samphanglui khangai.

    Iwui leikashiva-vaikhangaiva chida, ngayā imangshongli nali samphangkho. Chān kachangla hāngda manarim ngavam khui. Mangshong chi kachangshong mangasā kapai.

Read More

MALAISHAP RALĀ

Composed By : Oshim Wo

1. Maphaning kasā ini pānghao rada. Khipāli phen ura kaikahai khararchān. Chingrihai shapralā sākahai phaningda. Kaingasak haokho ātaman ini leishāt.

Malaishap ralā mirinli, sārum kahai, ringkaphā-kakhanang kachot phungrum kahai, kasārsam shokda khamsui singhaisālala. Ram ngateida pam ngarokhai sālala., ngahān mingaroksa samkaphang kachida.

2. Iya! ining kachot nali rāsam kaphang, leikashi otphun hi phungda maphung kharar. Ngakaozatshon imāng khamasai lamhāngli. Phungachon khavai khipākhala maleisā.

 

3. Malaishap ralā mirinli, sārum kahai, ringkaphā-kakhanang kachot phungrum kahai, kasārsam shokda khamsui singhaisālala. Ram ngateida pam ngarokhai sālala., ngahān mingaroksa samkaphang kachida.

Read More